Jæja þá er helgin liðin og ég er búin að fara  í vigtun það fór kíló bara sátt sko

Mataræðið hefur bara verið í lagi en fór þó aðeins úr skorðum á ættarmótinu.

Annars er lítið að frétta segi kannski meira á morgun

Jæja þá eru 4 dagar að verða búnir. Í gær gekk allt vel og ég fór í göngu upp að Hallandsnesafleggjara. En í dag gekk ekki eins vel, aðallega vegna þess að hádegismaturinn minn var ónýtur. Ég átti tilbúinn rétt í frysti sem ég ætlaði að hita upp. Í honum var skelfiskur sem var farinn að þrána oj.... svo að ég var eiginlega svöng í allan dag við mamma ætlum svo að fara í smá göngu á eftir og svo er bara ættarmót á morgun
Reikna ekki með að blogga um helgina svo við heyrumst á mánudaginn

Jæja þriðji dagurinn og allt gengur vel... fór í gögnu áðan fór að Hallandsnessafleggjaranum sem er nærri 2 km svo er ég búin að læra í efnafræði og það gekk bara vel
Ég er að sauma mér kjól fyrir ættarmótið, hann er rauður og með smá blúndu yfir brjóstunum
Jæja ég ætla að fara að gera eitthvað af viti

Jæja dagur númer 2 næstum búinn
Ég er búin að halda mér vel við efnið fyrir utan 1/2 mjólkurkexköku í kaffinu Ég var nefnilega með svo mikinn svima um þrjúleytið og var ekki með neinn ávöxt til að skella í mig svo ég lét kökuna duga. Síðan er ég búin að baka köku til að borða í hádeginu á morgun og er að bíða eftir því að peruísinn minn verði tilbúinn
Ég er hinsvegar ekki búin að fara út að labba í dag er að spá í að hvíla mig aðeins því að ég er með svo hrikalega strengi í lærunum og svo er líka bara svo mikið að gera í dag. Fór beint eftir vinnu að taka bensín, 172,6 kr lítrinn og síðan að kaupa loftsíu og kerti í Grána minn
Svo er ég eiginlega búin að vera að elda síðan ég kom heim hehe

Jæja heyrumst bæjó

Jæja fyrsti dagurinn í endurræstu átaki....
Hingað til hefur þetta gengið vel, langar ekkert í óhollustu og er búin að fara í göngutúr í dag Fór næstum 2 km og skokkaði 450 m af því Ég skipti þessum 450 m samt í þrennt fór 150 m þrisvar sinnum Ég fór líka í gær með mömmu út að labba og fann aðeins fyrir strengjum þegar ég fór af stað en þeir losnuðu fljótt.

Í dag er ég búin að borða ristað brauð með smyrju og osti og glas af appelsínusafa í morgunmat, kjötsúpu og tómata í hádeginu, ein appelsínu, tvo kaffibolla og svo á að vera purusteik í kvöldmat mmmm... og að því sögðu ætla ég að fara og búa mér til einhvern nammigóðan eftirrétt því að ég á eftir alla mjólkina mína og tvo ávexti

Já ég ætla að reyna að blogga á hverjum degi svona bara til að skrifa þetta niður fyrir mig þannig að bloggin verða kannski svoldið stutt og lík frá degi til dags

Munið að kvitta

Jæja kominn tími á smá blogg kannski

Síðan síðast hefur mikið gerst... við Bensi fórum í skottúr til útlanda og sáum hluta af Berlin og London Það var algjört æði. Svo var ég á Hólmavík um helgina, fór samt ekki á Hamingjudaga það var skítaveður.... Vinnan gengur vel stundum svoldið mikið að gera en það er líka ágætt þá líður tíminn miklu hraðar...Svo fer að líða að því að Bensi flytji norður... gleði gleðiÞað verður ættarmót á Hólmavík 11.-13.júlí og hann kemur sennilega hingað eftir það bara gaman sko

Svo var ég auðvitað með veislu hérna um daginn, það var voða gaman fékk helling af flottum hlutum og svoldinn pening svo fékk ég fataskáp frá mömmu og pabba en mig vantar ennþá skúffubrautir.... þær koma vonandi bráðum svo ég geti klárað skápinn því ég er búin að henda honum upp... með hjálp frá Bensa og Einari Hákoni

Svo að núna er herbergið mitt eins og eftir loftárás.... kemur kannski ekki á óvart hmmm...

Jæja ég held ég hætti að bulla tóma þvælu

Skrifa meira seinna bæjó

hæhæ
Þá er útskriftin afstaðin og ég er búin að vera í smá sumarfríi á Hólmavík og hef verið að hjálpa til við að gera upp Steinhúsið. Svo verður veisla hér 15.júní þá ætla vinir og ættingjar að koma og gleðjast með mér í tilefni af útskriftinni minni ... Mataræðið hefur gengið bærilega... ég hef forðast sykur og þess háttar alveg en hins vegar hef ég ekki verið nógu nákvæm... Ég vona bara að núna komi ég mér almennilega í gang þegar að ég er búin að hlaða aðeins inn á batteríið
Annars hef ég lítið að segja en kem með fréttir við tækifæri.

Hmmm.... hef verið að velta því fyrir mér síðustu daga hvort ég eigi að fara að blogga meira um átakið mitt. Það hefur nefnilega ekki gengið alveg sem skyldi síðan um jól og ég er búin að éta á mig aftur ein 5 kíló. Ekki mikið hugsa sumir en þetta er eins og heilt tonn á öxlunum á mér. Í síðustu viku tók ég mig á og fór á fullt að labba fór í 5 göngutúra í vikunni. Svo fór ég í bústað með liðinu og allt fór til fjandans. Ég má bara ekki sjá nammi eða snakk eða eitthvað sem ég "má ekki" fá. Ég get ekki hamið mig!!!! Hvar er sjálfsstjórnin sem ég fann í fyrra? Hvar er aginn og ánægjan yfir því að geta sagt nei við mig og aðra og látið þetta vera?

Þessa vikuna er ég búin að standa mig nokkuð vel í mataræðinu, dagurinn í gær fór reyndar aðeins úr skorðum, allt of mikið brauð og eflaust of lítið grænmeti. Fór nefnilega með mömmu í Kjarnaskóg á fjölskyldudag í vinnunni hjá henni og þar voru grillaðar pylsur. Hef hins vegar ekkert hreyft mig, er líka búin að vera hundfúl alla vikuna, þetta helvítis fall er að fara með mig.

Það er eitthvað svo skrýtið að svona áfall skuli hafa svona mikil áhrif. Mig langar endalaust að borða en það er svo kjánalegt að mig langar miklu meira í það sem ég má ekki fá, hef nú samt náð að hemja mig en ekki fæ ég mér ávöxt þó að það sé jafn auðvelt að bíta í eplið og gúffa í sig kexinu.... Æji ég skil þetta ekki. Mér gekk nú alltaf ágætlega hérna í "denn" þegar ég var að skrifa um þetta og hvað ég var að spá.

Hvað segið þið fáu sem lesið þetta blogg.
Á ég að breyta þessu í átaksblogg? Og láta ykkur kveljast yfir því að lesa um það hvað mig langar mikið í kex og nammi?

jæja þá er ég búin í öllum prófum og búin að fá allar einkunnir.... náði 25 einingum af 28 já ég féll í fyrsta skipti á ævinni og þetta er ömurlegt.( ég fékk 4 í EÐL 103 en svo er kannski ekkert skrýtið að eitthvað hafi látið undan... þetta var alveg hrikalega mikil vinna og ég var eiginlega orðin uppgefin á bæði líkama og sál undir það síðasta en ég get huggað mig við það að ég fékk 9 í öllum fögum í dagskóla og var með 100%mætingu það bætir aðeins upp sárindin en þetta er alltaf ömurlegt... stefna er núna tekin á EFN203 í sumarskóla og svo að hlaða batteríin fyrir næstu önn, eðlisfræðin fær að bíða fram á haustið allavega en þá er ég að spá í að taka hana í fjarnámi frá öðrum skóla... ég var nefnilega ekki ánægð með kennsluna sem ég fékk í VMA, fannst ég ekki fá aðstoð eins og ég þurfti... ég er líka ofboðslega ánægð að hafa náð stærðfræðinni með 7 því hún var mjög erfið og ég á eftir svo mikið af henni
Núna um daginn sótti ég um 22 einingar í dagskóla á haustönn og stefni að því að bæta við 3ein í fjarnámi kannski 6 en ætla að skoða það betur næsta haust
Núna hlakka ég bara til útskriftarinnar næstu viku búin að fá föt, verð í upphlutnum hennar Lóu frænku og svo fallegum rauðum kjól í matnum um kvöldið síðan er allt að smella saman með veisluna og lífið er bara nokkuð bjart svona þegar ég er búin að jafna mig á fallinu
Jæja þar til seinna bæjó

Já ég er búin að eiga afmæli, jibbý og Bensi var hjá mér Ég fékk grafíska reiknivél frá ma&pa, Einari, Sunnu og ömmu, kjól frá Ása og Lilju(var reyndar búin að fá hann áður) og bók og blóm frá Bensa Svo var náttúrulega góður matur og mikið hlegið og haft gaman. Mamma,pabbi og Einar fóru svo heim í sveit í fermingu á laugardagsmorgun en við vorum bara heima . Kíktum aðeins á Kaffi Amour um kvöldið en vorum svo mest megnis í afslöppun.

Svo var ég að dimmitera á miðvikudaginn(30.ap). ÓGEÐSLEGA gaman hehe ekki á hverjum degi sem maður er hress með að vakna kl. 4 að nóttu keyrðum um bæinn á traktor og vöktum kennarana, nágrannarnir voru mis ánægðir hihi en þetta er nú bara einn dagur síðan var farið í smá ferð og borðað saman og svo hittumst við dátanum um kvöldið.

Ég er svo að fara í fyrsta prófið á morgun er búin að læra aðeins en verð bara stressaðari eftir því sem ég skoða þetta meira er hætt að læra og tek bara "þetta reddast" á þetta
Læt ykkur vita hvernig gekk en hef ekki meira að segja núna
BÆBÆ

Á morgun eru nákvæmlega 20 ár síðan krumpað stúlkubarn var rekið úr þáverandi leigurými og þröngvað til þess að lifa úti í hinum kalda og bjarta heimi. Fyrstu dagana myndi andlitið helst á uglu vegna mikils ósamræmis milli stærðar á nefi og augum. Sem betur fer sléttaðist nú úr stelpurassgatinu og hún fríkkaði með árunum og "uglu"-syndrómið hvarf, eða jæja minnkaði allavega verulega!
Blóm og gjafir vinsamlega afþakkað(í bili) en lof, prís og heillaóskir vel þegnar hér fyrir neðan!!
Þar má svo líka bæta við samúðaróskum til hinna fjölskyldumeðlima vegna þess að þau hafa jú þurft að umbera mig í TOTTÖGU ár heheh

Já ég bara varð að nýta þessar fáu mínútur til að segja ykkur frá því nýjasta... Það er nóg að gera eins og venjulega...Ég er bæði á fullu í skólanum og dimmiteringar undirbúningi.... var sett í búninganefnd og alles... heh var að panta peysurnar fyrir búninginn áðan Svo er skólinn á síðustu metrunum verð bara að muna að sækja um sumarskólann....ætla í efnafræði 203 til að geta klárað hana alla í dagskólanum.... Er búin að skila inn valinu fyrir næstu önn og hlakka bara til sótti um 22 einingar en mun kannski bæta aðeins við mig í fjarnámi Sunna kemur heim á morgun hlakka mikið til og svo ætlar Bensi að koma á afmælinu mínu hlakka ennþá meira til hehe
Jæja ég er farin að læra aftur á að skila mys-verkefni fyrir miðnætti á morgun
Þar til næst

Jæja kominn tími á eitt enn blogg... ég náttúrulega hef ekki haft neinn tíma til að blogga... skólinn alveg að ganga frá manni... bara 28 dagar eftir í dimmiteringu og svo tæpir tveir mánuðir í útskrift.... mikið ofboðslega hlakka ég til... þetta er nú samt búin að vera ein skemmtilegasta önnin til þess en boy ó boy ég er alltaf að drukkna í  vinnu... núna er t.d á dagskrá fyrir helgina að klára að reikna 6.kafla í eðlisfræði + kaflaverkefni sem gildir til einkunnar, 2 æfingar í stærðfræði + lotupróf sem gildir til einkunnar, klára 3 lotu í hönnun og hugmyndafræði + kaupa bakpappa fyrir næstu viku, þvo bílinn og gera ljóð í listir og menning(lim).... síðan þarf ég að skila verkefni í lim 9.apríl, verkefni í myndlistasögu(mys) 15.apríl og ritgerð í mys 21.apríl.... þar fyrir utan er próf í bindifræði 17.apríl og próf í textílfræði 22.apríl.... svo á ég von á allavega einu prófi í efnafræði svona fyrir vorið... já það er nóg að gera.... prófataflan er komin upp og lítur mín  svona út:

• stærðfræði 5.maí
• eðlisfræði 8.maí
• myndlistasaga 9.maí
• efnafræði 15. maí

Ég reikna með að byrja að vinna 12 maí og taka svo frí frá 23.maí til 18.júní.... nenni varla að vera að koma öllu skipulagsveseni og myndatöku og fleiru inn í þennan tíma með vinnu.... ég er búin að fá lofun um frí svo að það er ekkert mál....  jæja veit nú varla hvað ég á að segja meira... þangað til næst...

hæhæ
jæja hvað er þá búið að gerast? jú ég er farin að skilja aðeins í eðlisfræðinni og gengur bara vel í stærðfræðinni. Skólinn tekur svoldið mikinn tíma og svo reyni ég eins og ég get að hjálpa til hérna heima. Keyri og sæki Einar á æfingar annað slagið og svoleiðis. Svo var ég að elda í kvöld, eldaði Gordon Blue rosagott Mömmu gengur rosalega vel í sínu námi og svo var Bensi að taka sveinspróf um daginn og náði því að sjálfsögðu Síðan fór ég í heimsókn upp að Barká um daginn voðalega gaman að hitta þau og hjá nýja húsið og svona. En annars gengur lífið sinn vanagang, ég fór með bílinn í skoðun um daginn og ég eiginlega missti bara andlitið 6900 kr takk fyrir. Þetta er orðið rugl, það endar með því að fólk hættir bara að skoða bílana sína eða eitthvað.
Hvað léttinginn varðar hefur gengið frekar illa hjá mér síðan í desember, ég kæmist ábyggilega í heimsmetabók Guinness ef það væri hægt í jójó-þyngd hehe en þetta fer nú vonandi að stökkva í gang.

já allt að gerast hér.... ég er í 28 einingum og þar af 9 í fjarnámi, sólarhringurinn er svona 7 tímum of stuttur og ég er ekki í vinnu... Bensi er í sveinsprófum núna, mamma á fullu í skólanum, Lilja í þorrablótsnefnd og hinir hafa það bara gott....

Ég sit núna flest kvöld og klóra mér í hausnum,(enda ábyggilega með skallabletti í vor hehe) yfir þessari "yndislegu" eðlisfræði og svo stærðfræðinni... segið ÖLLUM sem þið þekkið að fara ekki !!!EKKI!!! ég endurtek EKKI í þessa áfanga í fjarnámi allavega ekki með 19 einingum í dagskóla.....